टोखा नगरपालिकालाई सुशासन, पारदर्शिता, सामाजिक न्याय र समावेशी विकासमा आधारित समुन्नत, समृद्ध, स्वच्छ, सुरक्षित तथा आत्मनिर्भर नगरका रूपमा विकास गर्नु हाम्रो प्रमुख ध्येय हो। स्थानीय स्रोत–साधनको दिगो र प्रभावकारी उपयोग गर्दै गुणस्तरीय शिक्षा, स्वास्थ्य, खानेपानी, सरसफाइ, पूर्वाधार, रोजगारी तथा उद्यमशीलताको प्रवर्द्धन गर्ने, मौलिक कला, संस्कृति, सम्पदा तथा परम्पराको संरक्षण र प्रवर्द्धन गर्ने तथा वातावरणमैत्री र प्रविधिमैत्री सेवा प्रवाहमार्फत नागरिकको जीवनस्तरमा सकारात्मक परिवर्तन ल्याउनु हाम्रो प्रतिबद्धता हो। नागरिकको अर्थपूर्ण सहभागिता, सहकार्य र उत्तरदायित्वलाई केन्द्रमा राख्दै “समृद्ध टोखा, सुखी र सम्मानित नागरिक” निर्माण गर्ने दिशामा नगरपालिका निरन्तर अग्रसर रहनेछ।
